melhor não prescrição anti-inflamatório http://drogaria.pt/viagra/ número de telefone do chip seguro de saúde
Friday 11. August 2017, 12:56
ÓB-mótið á fésbókinni

Vekjum athygli á að ÓB-mótið er á fésbókinni.

ÓB-mótið á Selfossi

Friday 11. August 2017, 10:50
Gisting og armbönd

Við viljum vekja athygli á því að allir sem eru með armbönd, bæði leikmenn og liðsstjórar, eru með aðgang að Sundhöll Selfoss meðan mótið er í gangi.

Einnig eru hér fyrir neðan upplýsingar um númer á skólastofum sem félögin koma til með að gista í Vallaskóla sem og upplýsingar um klefa sem félögin nota þegar sundlaugarpartýið fer fram.

Félag Gisting í Vallaskóla Sundlaug klefar
Álftanes Selið Inni kk
Hamar/Hrunamenn Gista ekki Inni kk
Höttur Stofa 17 Inni kk
ÍBV Stofur 24-25 Inni kk
ÍR Stofur 22-23 Inni kvk
Keflavík Stofur 28-29-30 Inni kvk
Kormákur Stofa 21 Inni kvk
Njarðvík Stofa 16 Inni kvk
Reynir Víðir Stofa 19 Inni kvk
Selfoss Gista ekki Úti kvk
Sindri/Neisti Stofa 20 Úti kvk
Skallagrímur Stofa 18 Úti kvk
Valur Stofur 31-32 Úti kk
Þór Stofur 26-27 Úti kk

Wednesday 9. August 2017, 17:48
Leikjaplan fyrir hraðmót 2017

Það styttist í að flautað verði til leiks á ÓB Mótinu 2017 en spilað verður hraðmót á föstudeginum eins og hefð er fyrir á þessu móti.

Leikjaplanið fyrir hraðmótið er klárt og hægt er að skoða það undir linknum: leikir/úrslit 2017 hér að ofan

Úrslit úr hraðmótinu ráð því svo í hvaða riðlum liðin spila á laugardeginum, með þessu fyrirkomulagi vonumst við til þess að fá jafna og skemmtilega leiki.

Leikjaplan – Hraðmót – ÓB Mót 2017

Wednesday 9. August 2017, 12:00
Bíó 2017

Öllum þátttakendum er boðið í Selfossbíó eins og fyrri ár. Myndin sem varð fyrir valinu þetta ári er Aulinn ég 3.

Niðurröðun í bíó:
Kl. 9:00 Lið í Alfreðs deild og Arons deild
kl. 11:00 Lið í Kolbeins deild og Jóa Berg deild
kl. 13:00 Lið í Eiðs Smára deild og Gylfa deild
kl. 15:00 Lið í Jóns Daða deild

Mikilvægt að liðin mæti á uppgefnum tíma.

Vinsamlegast athugið að veitingar í í bíóinu eru ekki innifaldar í mótsgjaldinu en Selfossbíó býður upp á eftirfarandi tilboð.

  • Tilboðs-Tvenna: Popp og Coca Cola á kr. 500.
  • Tilboðs-Þrenna: Popp, Coca Cola og súkkulaði á kr. 600.

Hægt er að panta og kaupa tilboðsmiða í Selfossbíói fyrir ykkar lið í síma 517-7000.

Monday 7. August 2017, 10:46
Leikjaplanið kemur inn í vikunni

Nú styttist í ÓB Mótið 2017 og munum við setja leikjaplanið hér inn á síðuna um leið og það er tilbúið en fyrstu leikir byrja kl: 14.00 á föstudaginn.

Monday 31. July 2017, 21:44
Úlfur Úlfur á kvöldvökunni

Nú styttist í að ÓB-mótið á Selfossi eða Meistaradeild ÓB á Selfossi hefjist en mótið fer fram dagana 11.-13. ágúst næstkomandi.

Þetta skemmtilega mót fyrir stráka í 5. flokki er nú haldið í þrettánda sinn í afar góðu samstarfi við Olíuverzlun Íslands undir merkjum ÓB sem tryggir flotta og góða umgjörð um mótið.

Það er smá breyting á dagskrá mótsins þar sem kvöldvakan sem vanalega hefur verið á laugardegi verður nú á föstudagskvöldinu og að sama skapi færist sundlaugarpartýið yfir á laugardag. Það er gaman að segja frá því að strákarnir í Úlfur Úlfur verða á kvöldvökunni á föstudag og munu án efa skemmta strákunum vel.

Við hlökkum til að taka á móti ykkur á ÓB-mótinu á Selfossi í ágúst. Nýjustu upplýsingar munu birtast hér á heimasíðunni sem og á fésbókarsíðu mótsins ÓB-mótið.


Vakin er athygli á bæjarhátíðinni Sumar á Selfossi og Brúarhlaupi Selfoss sem fara fram á Selfossi sömu helgi og ÓB-mótið.

Monday 5. September 2016, 00:01
Er þitt lið búið að skrá sig á ÓB-mótið 2017?

Meistaradeild ÓB er fyrir knattspyrnustjörnur 5. flokks karla. Allir bestu fótboltamennirnir vilja spila í Meistaradeildinni. Hvað um þig?

Knattspyrnudeild Selfoss heldur knattspyrnumótið Meistaradeild ÓB í þrettánda sinn 2017. Mótið verður haldið helgina 11.-13. ágúst á Selfossi og er ætlað fyrir stráka í 5. flokki.

Lið sem mæta með fjögur lið eða fleiri fá frítt hótelherbergi fyrir þjálfara sinn á meðan mótið stendur.

Fyrirkomumulag mótsins verður með þeim hætti að á föstudag verður spilað hraðmót (þrír leikir á lið) til þess að getuskipta liðunum. Laugardag og sunnudag verður spiluð riðlakeppni (fimm leikir á lið).

Skráning:
Þátttökutilkynningu skal senda á netfangið saevar@ru.is

Mikilvægt er að eftirfarandi upplýsingar komi fram:
– Nafn félags og fjöldi liða
– Fjöldi þátttakendda í hverju liði
– Tengiliður félags vegna mótsins (farsími og netfang)

Staðfestingargjald:
Hvert lið þarf að greiða kr. 10.000 í staðfestingargjald (fyrir hvert lið, þar að segja a-lið, b-lið o.s.frv.) inn á reikning 0586-26-994, kt 690390-2569. Til að tryggja sér þátttöku er best að skrá liðið sitt og borga staðfestingagjaldið sem fyrst, gjaldið mun að sjálfsögðu ganga upp í þátttökugjaldið.

Þátttökugjald:
Þátttökugjald er kr. 13.000 fyrir hvern þátttakanda. Frítt er fyrir einn þjálfara/liðstjóra frá hverju liði, það er að segja einn hjá a-liði, einn hjá b-liði o.s.frv.

Innifalið í þátttökugjaldi er:
– Morgunverður laugardag og sunnudag
– Hádegismatur laugardag
– Kvöldverður föstudag og laugardag
– Kvöldhressing föstudag og laugardag
– Gisting í skólastofu
– Bíóferð
– Sundlaugarpartý með skemmtiatriði
– Kvöldvaka
– Átta stórskemmtilegir fótboltaleikir

Mótið er núna haldið í þrettánda sinn og er alltaf að verða flottara.

Keppendur, þjálfarar og foreldrar hafa verið mjög ánægðir með mótið.

Nánari upplýsingar veita Sævar í síma 781-9500 og Sveinbjörn í síma 897-7697.

Wednesday 17. August 2016, 15:35
Mótsmyndir

Allar myndir af ÓB-mótinu má nú finna á heimasíðu Sporthero.is.

Sunday 7. August 2016, 14:09
ÓB-mótinu 2016 lokið

ÓB-mótinu 2016 er lokið á Selfossi. Verðlaunaafhending fór fram á JÁVERK-vellinum þar sem efstu þrjú liðin í hverum riðli fengu verðlaunapeninga.

Eftirtalin lið urðu sigurvegarar í sínum riðli.
A-lið riðill 1: ÍR
A-lið riðill 2: Kormákur
B-lið riðill 1: Höttur
B-lið riðill 2: Valur
C-lið riðill 1: ÍR
C-lið riðill 2: Hrunamenn
D-lið riðill 1: Njarðvík
D-lið riðill 2: Keflavík

Völsungur fékk háttvísiverðlaun KSÍ heiðarlega framkomu keppenda á mótinu.

Knattspyrnudeild Selfoss vill koma á framfæri þakklæti sínu til keppenda, þjálfara, liðstjóra og foreldra allra liða á mótinu. Strákarnir voru til fyrirmyndar jafnt innan vallar sem utan og verðugir fulltrúar sinna félaga. Takk fyrir þátttökuna.

Einnig viljum við koma á framfæri þakklæti til vallarstarfsmanna, dómara, sjálfboðaliða og foreldra á mótinu. Ykkar framlag er ómetanlegt og er ein helsta ástæða þess að við getum haldið mótið með þeim glæsibrag og myndarleika sem raunin er. Takk fyrir aðstoðina.

Allt hjálpast þetta að og eftir situr eftirminnileg helgi á Selfossi þar sem fléttast saman keppni, vinátta og góðar minningar. Einstök úrslit, skot, mörk, sigrar og töp líða hjá en eftir situr minningin um frábært mót.

Við hlökkum til að taka á móti ykkur á ÓB-mótinu að ári. Sjáumst á Selfossi 11.-13. ágúst 2017.

Takk fyrir okkur og sjáumst að ári!

Sunday 7. August 2016, 11:48
Verðlaunaafhending

Verðlaunaafhendingin hefst stundvíslega kl. 13:15 á JÁVERK-vellinum.
Veitt verða verðlaun fyrir efstu þrjú sætin í öllum riðlum í öllum flokkum. Einnig verður veitt viðurkenning KSÍ fyrir heiðarlega framkomu á mótinu.

« Prev - Next »